*Dä Souveniererisch*

 

                              Dä Suveniererisch

 

Mir hant uns he im Palatini jetroffe um en bisske zu schwade un ne Cappu zu drinke. Dat Jespräch dümpelte so für sich hin, do kom dat Willenburgs Emma un wor janz üfjerecht, ja un aff do wot dat dä spannenste Cappu, dä mer je jedrunke hant.

 

Stellt Üch für, dat Hermine Reedmanns, is vorige Woch us dem Urlaub von de DOMREP no Hus jekumme un hät sisch ä Souvenier mitjebraht.

Nä, kinn dicke Muschel oder en jeschnitzte Kokosnuss oder so jet, nä ne lebendije knackige Latinolover. Mir hant uns fast verschluckt, als uns dat Emma dat verzellt hat.

Mir wore jeplättet, dat Hermine , kannste mol kicke!!!!

Normalerweis siehst dem immer dat Kirchenlättchen rumbringe

un dat hät nie Ziet, weil et jemeindemäßich im Stress is. Överall hät dat sin Wiesnas drin un mischt sich och överall in.

Eijentlich süht dat och us wie so en verdrüschtes Frühjohr, äwer do hinge in die DOMREP muss et wohl irjendwie widder ufjeblüht sin.

Jetz bin isch jemein, weess isch, äwer vielleicht hät dat ne Bikini us Dollarscheinches anjehat oder sich sonst irjendwie spendabel jezeicht, denn dat is 65 Johr und dat Souvenierchen soll höchstens 30 Johr sin.

Isch mehn, alle Achtung, dat hät janz schon Mut, denn jetzt is bei denne up dem Hoff dä Kriech usjebroche.

Die hant nämlisch ne jrosse Hoff und verkofe Kartoffele und Jemüs und han ordentlich jet an de Föß.

Dat Emma wor bei dem Kathi , dat is die Tochter von dem Hermine und hät Kartoffele jekooft und do hät dat dä Souveniererisch janz kooz jesenn.

Dat wär so ne aalije Flutschbücking mit lange glänzende Hoor

un en dicke Joldkett un jenauso Armbändsche un dä stolzierte Händschen in Händschen mit dem Hermine över dä Hoff zum Auto.

Un dä hätte ne Hüftschwung, do wär dat Marylin Monroe in sin beste Ziet, nix dajejen jewäse.

Isch hat dat Bild so vor de Och, dä hüftschwingende aalije Flutschbücking und dat trampelije verdrüschte Hermine, nä wat schön.

Isch bin ens jespannt in 14 Dach is he ä jroßes Fest vom Schützeverein, dann bekomme mer dä bestimmt vorjestellt.

So unger uns, ich jönn dem ne Lover, äwer 35 Johr jönger, dat Hermine jeht up de 70 zu , hoffentlisch hät dat sich do nit verkalkuliert.

Isch glöv schon, dat dä irjendwie besondere Qualitäte han muss, äwer die hant bestimmt nix mit Ackerbau und Viehzucht zu don..

Dat hät sich doch dä Kleiermanns Karl nähme künne, mit dem wor dat in de Schul und ä is och alleen und dä versteht jedenfalls jet von Kartoffele und Kappes.

 

                                                                  (c) by KUK